Deputación, Campus e Concello impulsan Paraestudarlugo.com
xoves, 8 de xuño do 2017
A
Deputación de Lugo, a Universidade de Santiago (Campus de Lugo) e
o Concello
están a unir forzas, novamente, para incentivar a presenza de
estudantes universitarios na cidade da Muralla. E fano por múltiples
vías, incluíndo a canle dixital específica da campaña,
www.paraestudarlugo.com,
e máis os sitios específicos www.usc.es
e www.deputacionlugo.gal.
A nova estratexia de reclamo foi presentada onte polo presidente da
entidade provincial, Darío Campos, polo vicerreitor de Coordinación
do Campus de Lugo, Javier Bueno, e máis polo concelleiro de
Educación, Manuel Núñez. A iniciativa, que vai pola súa cuarta
edición, desenvolverase novamente baixo epígrafe Para
estudar, Lugo.
Como
incentivos, sinalaron, ofreceranse aos
primeiros estudantes en 10 titulacións da USC lucense descontos do
50% no custo da matrícula (grazas
ás bolsas
que financia o Goberno Provincial a través do Plan de Choque que
mantén co Campus de Lugo, e para o que destina este ano 350.000
euros da Deputación).
Darío
Campos sinalou que “hai
moitos motivos para estudar na universidade lucense” e
deles, destacou os cinco que recolle o vídeo promocional da campaña:
a completa oferta formativa de
especialización
(fornecendo a cifra nada desprezábel de 15 graos e 3 graos duplos
dos catro eidos principais do coñecemento), o
carácter internacional de
Lugo (contando a día de hoxe con
alumnos de 20 nacionalidades distintas),
a diversidade do Campus dende o punto de vista lingüístico, a
calidade de vida en Lugo e o carácter acolledor da veciñanza (cousa
que corroboran 9 de cada 10 estudantes do Campus Terra) e, por
último, a súa excelencia (con
facultades punteiras como a de Veterinaria, a máis prestixiosa de
España dentro do seu ámbito, á que cómpre engadir o alto nivel da
Facultade de Ciencias, a Escola Politécnica Superior e a Facultade
de Humanidades)
A
páxina web
Toda
a información relacionada con Para
estudar, Lugo
pode atoparse na web www.paraestudarlugo.com,
que recolle toda os detalles do programa de bolsas; consellos
prácticos para elixir a
cidade da Muralla
como destino universitario, así como diferentes páxinas coa
información completa sobre o Campus Terra da USC: centros e
facultades, relación detallada sobre os graos, programas de
doutoramento e másters
que se ofertan, con especificación do plan de estudos e ligazóns
para ampliar ou acceder dun xeito áxil á formalización da
matrícula. Ademais, segundo
se fixo saber na presentación,
a campaña terá unha especial incidencia nas redes sociais da
Deputación de Lugo (www.facebook.com/diputacionlugo
e @depulugo) e da USC (www.facebook.com/campusterrausc,
www.facebook.com/campusterrausc,
www.facebook.com/Universidade-de-Santiago-de-Compostela
e @UniversidadeUSC e @CampusTerraUSC).