Dell e Microsoft colaboran na loita contra a SIDA en África
venres, 25 de xaneiro do 2008
Bill Gates e Michael Dell presentaron en Davos, xunto
ó cantante Bono, a
nova iniciativa na que colaborarán co proxecto AIDS-in-Africa achegando
parte dos ingresos da súa nova liña de produtos para a loita contra a SIDA.
DEll lanzará a finais de mes os seus equipos
baixo a marca (PRODUCT)RED, como serán os ordenadores XPS m1530,
m1330 e XPS One, así como a impresora 948 AIO, que presentarán no seu deseño
certos detalles en cor vermella para indicar o seu compromiso coa loita contra
a SIDA, que se traduce en doazóns de entre 50 e 80 dólares por ordenador (5 dólares
no caso da impresora).
Microsoft tamén colabora coa causa cunha versión do seu sistema operativo
Windows Vista Ultimate que presenta unha estética acorde coa gama de
produtos vermellos (con 6 fondos de escritorio exclusivos, 1 protector de
pantalla, 2 gadgets para a barra lateral e 1 tema Windows DreamScene), e que se
incluirá cos novos equipos informáticos de Dell.
Galería dos novos produtos
