DAZN prepara unha forte suba de prezos
martes, 17 de xaneiro do 2023
A
plataforma de contidos deportivos DAZN
vén de presentar o seu balance do ano 2022, presumindo de presenza en 200
mercados, de 15 millóns de subscritores de pagamento, de máis de 130 millóns de
dispositivos conectados, de retransmitir máis de 1.200 millóns de horas de
xogo, de conseguir máis de 8.000 impresións en redes sociais e incluso de
ingresar 2.300 millóns de dólares, pero está é só a cara positiva da meirande
plataforma deportiva en Europa, pois ten que pagar importantes cantidades polos
dereitos deportivos, entre os que destacan os 470 millóns de euros que ten que
pagar por cada tempada de LaLiga Santander, polo que estamos falando dunha
situación na que as contas non saen, e precisamente por iso están a preparar unha
suba de prezos.
No mes de marzo o paquete DAZN Esencial sube o seu prezo de 12,99 a 18,99 euros
mes (a subscrición anual pasarÃa de 129,99 a 149,99 euros); o paquete DAZN
LaLiga deixarÃa de estar dispoñible por separado a 18,99 euros; mantense o novo
plan DAZN Victoria con fútbol feminino por 9,99 euros/mes; e o plan DAZN Total
sube de 24,99 a 29,99 euros/mes en subscrición mensual e de 19,99 a 24,99
euros/mes en subscrición anual fraccionada (pagando de vez o plan anual subirÃa
de 249,99 a 299,99 euros).
Sen dúbida estamos ante un incremento de prezos moi importante, especialmente
se temos en conta que cando chegou DAZN a España tiña unha tarifa mensual de
4,99 euros/mes (aÃnda que pronto subiu a 9,99 euros/mes ou 99,99 euros/ano),
pero é o único xeito que a compañÃa ten de poder ser rendible e, de feito, non
ten previsto chegar a ter números negros até primeiros de 2024.