Convocada a segunda edición do galardón Altia Premia TFG ETSE
mércores, 10 de marzo do 2021
A
empresa
tecnolóxica Altia e a Escola Técnica Superior de Enxeñaría da USC
convocaron a nova edición (a segunda) do galardón #AltiaPremia TFG
ETSE, dirixido a distinguir e visualizar os mellores Traballos
Fin de Grao. O premio é froito da estreita colaboración que
manteñen dende hai anos a firma TIC galega e ETSE de Santiago, onde
se imparte o Grao en Enxeñaría Informática.
Altia,
de feito, ten participado dende os seus inicios no Foro de Emprego da
ETSE, incorporando estudantes á empresa “cuns resultados
excelentes”. Segundo indica Miguel Ares, xerente de Proxectos en
Altia, moitas e moitos das e dos estudantes quedaron a traballar na
firma como parte do persoal ao rematar cadanseus períodos de
prácticas. O premio é un paso máis alá nesta estreita relación.
Os
criterios do galardón son variados, segundo explica Miguel Ares, que
recoñece que a avaliación dos TFG é “unha tarefa moi difícil”,
porque, tal e como quedou demostrado o ano pasado, engade, “a
calidade dos traballos é altísima”.
Para
determinar a quen vai dirixido finalmente o recoñecemento avalíase
a calidade do TFG e outros aspectos como a adaptación como produto
ao mundo empresarial e a súa aliñación ás liñas estratéxicas de
Altia, como poden ser temas de análise de datos masivos (Big
Data), a Intelixencia
Artificial (IA) ou a Ciberseguridade.
O
premio inclúe unha importante contía en metálico e, segundo engade
Miguel Ares, as vantaxes de ser recoñecido, mostrado e visualizado:
“Que un traballo sexa recoñecido no ámbito académico é parte da
súa traxectoria como estudantes, pero que un traballo sexa
recoñecido no ámbito empresarial pode abrir moitas oportunidades na
vida laboral que ten por diante calquera egresado”.