Contact e a CEO fan un libro dixital a prol da seguridade no traballo
venres, 27 de febreiro do 2015
A axencia de
mercadotecnia Contact Comunicación, emprazada en Ourense, vén de
desenvolver un innovador proxecto divulgativo e formativo para o
departamento de Prevención de Riscos Laborais da Confederación de
Empresarios local. O resultado final do traballo, creativo e moi
ameno, é un libro de ilustracións presentado en formato dixital. A
través del, a Confederación ourensá quixo facer fincapé na
necesidade de que os traballadores teñan hábitos saudábeis, tanto
nos seus ámbitos de traballo como fóra deles.
Tamén se incide en como
estas pautas e condutas teñen potencial para mellorar calidade e
produtividade persoal, ao tempo que diminúen accidentes laborais. O
libro titulase Cárgate de Vida, e inclúe unha páxina de
reprodución a que se accede a través dun banner da
propia web da Confederación de Empresarios de Ourense.
