Confirman que a explosión dun móbil non causou unha morte en Corea do Sur

Un traballador surcoreano de 33 anos foi achado morto cun móbil queimado no seu peito (pois o levaba no peto da súa camisa) sospeitándose que podería ser a primeira persoa que morre por culpa dun móbil.
O traballador dunha canteira tería graves queimaduras, costelas rotas e unha hemorraxia interna, segundo os responsables de urxencias do Hospital Universitario Chungbuk, que atribúen a morte a explosión da batería do móbil, aínda que a gravidade das queimaduras fai dubidar desta diagnose, de xeito que haberá que agardar á autopsia para saber se foi realmente o móbil o causante da morte.
Dende LG, fabricante o terminal conflitivo, aseguran que a explosión descrita é virtualmente imposible.
ACTUALIZACIÓN: Un compañeiro de traballo do falecido confirmou que a defunción correspondeu a un accidente laboral, e a explosión do móbil foi unha farsa.