ConCiencia contará esta semana coa presenza de Frances Allen, premio Turing en computación
luns, 27 de outubro do 2008
Frances Elizabeth Allen, galardoada co premio Turing no ano 2006 (recoñecemento considerado na comunidade cientÃfica como o nobel das Ciencias da Computación) estará esta semana en Compostela para levar a cabo varios encontros coa comunidade cientÃfica e investigadora galega. As xuntanzas, desenvolvidas ao abeiro do programa ConCiencia, comezarán o mércores 29 pola mañá e rematerán ao dÃa seguinte, xoves 30, co relatorio público Unha peregrinación polas altas sendas da computación. Esta conferencia desenvolverase no Centro Sociocultural da Fundación Caixa Galicia a partir das 20.00 horas.
A participación de Allen en ConCiencia (programa organizado pola USC e o Consorcio) representa un fito no eido do congreso: trátase da primeira muller convidada a dar conta da súa actividade investigadora procedente do panorama internacional. Allen, que tras de si unha longa e fructÃfera carreira no estudo das posibilidades operativas dos computadores -e máis concretamente nos xeitos de incrementar a súa rendibilidade no cálculo de envergadura- estivo durante moitos anos ligada a unha das grandes multinacionais da informática, IBM, para quen traballou no eido da optimización automática en compiladores e na extracción automática de paralelismo.
Xunto a Allen, informaron os responsables da organización (que contan co apoio da Fundación Caixa Galicia), completarán o ConCiencia 2008 os premios Nobel de QuÃmica en 2001, Karl Barry Sharpless, e de FÃsica en 1999, Gerardus ‘t Hooft, que impartirán ao longo deste último trimestre do ano cadansúa conferencia divulgativa e manterán diversas reunións con investigadores.