Compromiso por Galicia presenta nova web
venres, 20 de xullo do 2012
A nova fronte política Compromiso por Galicia
presentou este venres 20 de xullo a páxina
web de seu. O espazo en liña, debullado por Xoán Bascuas en rolda de
prensa, servirá de espazo de comunicación común para as diferentes forzas
responsábeis da posta en marcha desta nova fronte: Acción Galega, Espazo
Ecosocialista e +Galiza. A través dunha serie de seccións xerais (Compromiso,
Bases Políticas, Actualidade, Mediateca e Afiliación e Contacto), o espazo web
informará en detalle do ideario, as estratexias e as actividades concretas que
o novo grupo galeguista vaia desenvolvendo, con vistas ás primarias para elixir
candidato á Xunta e aos comicios autonómicos.
O encontro de Bascuas cos medios tamén
serviu para amosar a nova imaxe corporativa de CxG, que se inspiraría no de Máis
Galiza e que ten o verde como cor corporativa. O obxectivo deste deseño é sintetizar
o que hai en común entre os grupos que constitúen a alianza. Bascuas tamén fixo
saber que non á casual que se estree xusto agora a nova páxina, nos días
previos á celebración do Día da Patria, o 25 de xullo. Entre o máis salientábel
do espazo en liña, cómpre termos en conta os espazos para a participación, as
novas ou a rede social propia, todos estes recursos “orientados ao traballo político e á relación coa cidadanía”.