Compostela acollerá o encontro internacional de xestores de Erasmus Emprendedores en Europa
xoves, 13 de outubro do 2022
A
Cámara de Comercio de Santiago e Uninova (Concello de Santiago e
USC) prepararon durante o mes de setembro unha candidatura para
acoller en marzo de 2023 un encontro internacional de xestores do
programa Erasmus Emprendedores en Europa. Neste encontro participarán
técnicos de cámaras de comercio, centros de investigación,
consultoras, universidades, centros de innovación, hubs
empresariais, consultoras, pemes e emprendedores, entre outros.
Todos, indican dende a Cámara, co nexo común de ser xestores do
programa Erasmus Emprendedores en 38 paÃses. Amais, tamén
participarán técnicos e responsábeis polÃticos da Comisión
Europea e a Axencia Europea de Pemes, entidades das cales depende o
devandito programa.
Tanto
a Cámara de Comercio de Santiago, como Uninova son intermediarios do
programa a nivel nacional e foron quen promoveron, xunto co Concello
de Santiago, que a cidade de Compostela fose o escenario deste
Encontro Internacional, ademais de para ser os organizadores do
mesmo.
Presentáronse
sete ofertas de sete cidades distintas para acoller o encontro.
Finalmente o comité de pilotaxe do programa tivo en conta a mellor
oferta (a oferta compostelá) en base ás seguintes caracterÃsticas:
dispoñibilidade de datas e o orzamento presentado, idoneidade dos
espazos propostos, existencia de elementos innovadores como a axenda
e o ecosistema empresarial da contorna e calidade xeral de toda a
proposta no seu conxunto (que inclúe todos os elementos solicitados
pola Axencia Europea para Pemes e Consello Europeo da Innovación).
Despois
de ser analizadas as sete propostas este
12 de outubro foi seleccionada polo comité a proposta coordinada e
presentada pola Cámara de Comercio de Santiago conxuntamente con
Uninova e o Concello de Santiago.
A
Cámara de Santiago participa no programa desde o ano 2016 e neste
perÃodo xestionou máis de 150 intercambios. No consorcio que lidera
a Cámara participan outras entidades análogas como a Cámara
nacional de UcraÃna, a da Martinica ou o parque tecnolóxico da
Universidade de Ankara entre outras entidades de 9 paÃses (España,
Portugal, Italia, Francia, Irlanda, Chipre, Albania, UcraÃna e
TurquÃa) Ambas as entidades recibiron xa a comunicación de que os
seus consorcios seguirán traballando no programa ata o ano 2027.