Compostela acolle unha xornada demostradora de solucións TIC para a xestión de lixo

O Centro Demostrador TIC de Santiago de Compostela vai dar acollida, o vindeiro xoves 24 de novembro, a unha xornada Demostradora de Solucións Tecnolóxicas para a xestión de Resíduos, que ten como obxectivo achegar detalles dos distintos servizos que as empresas e entidades teñen á súa disposición para seren máis eficaces en materia de xestión de lixo.
Trátase dunha demostración práctica da Plataforma integral de xestión de lixo, Teixo, e do servizo de acollida e reciclaxe de CD e DVD, Cederika, que se complementarán coa plataforma de destrución documental certificada, Datapack.
A xornada, que é de balde previa inscrición na web do CDTIC, vai dirixida a todas aquelas empresas, entidades e responsables de administracións públicas que estean interesados en coñecer novas ferramentas e servizos para xestionar o seu lixo.