Compostela acolle esta semana unhas xornadas galego-portuguesas sobre coñecemento libre
luns, 14 de marzo do 2011
As
II
Jornadas Galego-portuguesas de Ediçom Independente chegan esta semana a
Santiago logo dunha semana de actividades en Porto. Os encontros, que de xeito
inevitable centran algúns dos seus obxectivos en avaliar as posibilidades das redes
como ferramentas axeitadas para buscar novos xeitos de publicar e informar (independentes,
accesíbeis), están organizados por Gato Vadio, Casa Viva, Corsárias, Estaleiro Editora e Colectivo Hipátia. As actividades a desenvolver
en Santiago consistirán en avaliar molo miúdo, a través dunha serie de mesas
redondas, temas como a situación dos medios de comunicación galegos, a restricións
dos dereitos civís, o coñecemento para a transformación social (contándose cun
amplo feixe de recursos dixitais para ir comezando) ou as diferentes facianas
da crise produtiva na que estamos inmersos.
As
xornadas, que contarán coa presenza dunha ducia de activistas de distintos
eidos, vanse desenvolver dende hoxe luns até o 17 de marzo, ás 19 horas, na
Biblioteca Ánxel Casal, emprazada na avenida Xoán XXIII. A maiores, o 18 de
marzo porase o punto e final a esta edición das jornadas cun recital poéticomusical que se celebrará no Bar As Dúas
a partir das 22 horas. A continuación, damos conta do programa, punto por
punto:
· 14 de marzo segunda-feira
Na
Galiza em Galego! A situaçom dos meios de comunicaçom nacionais a debate:
Comba Campoy (Tempos Novos), Marcos Pérez Pena
(xornalista), Xoán R. Sampedro (Novas da Galiza) e Gerardo Rodrigues (Portal
Galego da Língua).
· 15 de marzo, terça-feira
Estado
de excepçom normalizado. A restriçom dos direitos civis na ofensiva ultraliberal: Borxa Colmenero (Ceivar), José A. Brandariz (Esculca), Miguel
Fernández (Foro galego da imigración), Sandra Garrido (PreSOS), Rui Pereira
(jornalista, Universidade do Minho).
· 16 de marzo, quarta-feira
Pensamento
à margem. O conhecimento para a transformaçom social: Maria
do Cebreiro Rábade Vilar (teórica da literatura), Tareixa Ledo Regal
(socióloga), Marcial Gondar Portasany (antropólogo), Francisco Sampedro
(filósofo)
· 17 de marzo, quinta-feira
As caras
da crise. Movermo-nos politicamente num momento de resistência social: Laura Bugalho (CIG), Carme Freire (SLG), David Rodríguez (Fonambulista
Coxo), Antom Santos (Escola Popular Galega)
· 18 de marzo, sexta-feira | 22h00 | Bar As
Duas. Encerramento jornadas
Festaleiro Corsário Vadio. Recital poético-musical Copyleft