Comeza o I Congreso Internacional de Blockchain de Galicia
venres, 29 de setembro do 2023
Hoxe botou a
andar BlockGalicia, o I Congreso
Internacional de Blockchain de Galicia con gran éxito de participación e
asistencia, participando no acto de inauguración o decano do COETTGA, José
Manuel Martínez, quen destacou que as telecomunicacións e a tecnoloxía
blockchain garanten que os procesos sexan inalterables, inmutables e
públicos”.
No acto o presidente de Agalbit, Fréderic Fernández, agradeceu o esforzo que
tanto os organizadores como os relatores puxeron no evento para facer chegar a
máis persoas o mundo blockchain. Ademais da importancia destes encontros
presenciais nos que os asistentes poden poñerse en contacto e aproveitar para
facer networking conectando con outros interesados no sector.
Na inauguración tamén participaron a directora xerente de Redes de
Telecomunicación Galegas Retegal, María Pilar Chapela e o concelleiro de
Economía e Facenda de Santiago de Compostela, Manuel César Vila.
O Congreso
Os participantes
en BlockGalicia están a coñecer as últimas novidades da man dos directores
xerais das empresas máis importantes de blockchain en España e Latinoamérica xa
que este encontro contan coa participación de máis de 30 profesionais entre os
que se atopan os directores xerais de empresas tan recoñecidas dentro do sector
como DEXTools, BitBase, Maniac Panda Games, Material Bitcoin, Fundación Luckia,
Litlab Games, EthicHub, entre outras.
BlockGalicia
conta con relatores e empresas punteiras que mostran todo o que esta tecnoloxía
pode facer por mellorar as nosas vidas e o gran abanico de oportunidades
laborais que abre. O sector do gaming, os NFT, o metaverso, a banca e mesmo a
seguridade e ciberseguridade, da man dunha ligazón en Europol de cibercrimen
teñen cabida neste encontro que está a desenvolverse no Palacio de Congresos e
Exposicións de Galicia.
Por primeira vez
reúnense en Galicia referentes do sector da tecnoloxía blockchain como Koh
Onozawa, Julián Beltrán, Carlota Corzo, Dani Cerqueiro, Pablo López, Alex
Fernández, Adriá Llorens, Eneko Astorkiza, Mihail Mitev, Javier Palomino, Pablo
Ojanguren, Joan de Ramón, David Noya, Miguel Ángel Romero, Katricyan, Jesús
Lorente, Gabi Urrutia, Carlos Celorrio, Danyl Shatko, Uxío Fraga, Xavier Baldó,
José Antonio Suárez, Carlos Lorenzo, José Iglesias, Fonso Rodríguez, Miguel
Caballero, Marcos Carrera, Roberto Bértolo, entre outros.
“É probable que
non volvamos ter unha oportunidade similar en Galicia. Volver congregar a este
cadro de persoal de expertos e empresas, que nos brindan a oportunidade de
adquirir uns coñecementos máis aló do que podemos atopar na internet, preguntar
dúbidas directamente e case interrogalos, vai ser case imposible”, sinala José
Manuel Martínez, decano do COETTGA, “E misión e obxectivo do Colexio Oficial de
Ing. Técnicos de Telecomunicacións divulgar, educar e atraer talento e
oportunidades. Teño que dicir que estou orgulloso e que xunto con AGALBIT e
Dextools, conseguímolo facer realidade en Galicia. Penso que será dentro duns
anos cando se lle dea valor ao fito histórico que alcanzamos este ano en
Galicia no ámbito das TIC e as Telecomunicacións”.