Comeza a perfilarse a oitava edición da Xornada de Usuarios de R en Galicia
martes, 3 de agosto do 2021
A
oitava edición da Xornada de Usuarios de R en Galicia comezou xa a
perfilarse. O evento, previsto para o día 14 de outubro de 2021 e
organizado pola Asociación de Usuarios de Software Libre da Terra de
Melide (MeLiSA) co patrocinio da axencia autonómica AMTEGA, incluirá
novamente relatorios sobre temas de actualidade co obxectivo de
promocionar o coñecemento da linguaxe estatística R e as súas
funcionalidades. Tamén se busca achegar “un punto de encontro para
todas aquelas persoas interesadas en intercambiar as súas
experiencias e atopar colaboracións do resto da comunidade”.
As
persoas
interesadas en enviar relatorios e contribucións, poden facelo xa
seguindo os requisitos fixados pola organización, que podemos ver
estes días na web de Mancomún (AMTEGA). Os resumos deberán ser
aviados antes do 19 de setembro. A data límite para a avaliación
dos traballos será o 1 de outubro.
Para
quen non o saiba, R é un software orixinariamente deseñado para a
análise estatística e a realización de gráficos e que nestes
intres estase a utilizar en numerosos eidos relacionados coa
estatística (xenómica, biomedicina, econometría, Big Data,
bioloxía, ...). R ten unha natureza dupla de programa e de linguaxe
de programación e distribúese baixo licenza GNU-GPL.