Chuza! convÃdanos a facer Rede galega co seu Certame de Aplicacións
luns, 21 de xullo do 2014
Este DÃa da Patria de 2014 conmemóranse moitas
cousas galegas, e entre elas unha tecnolóxica. Falamos dos catro
anos da nova andaina de Chuza!, unha iniciativa nada en 2006 coa
arela de facer comunidade en liña galego-falante ao tempo que
información crÃtica e posibilidade de valorala en man común. Como
din os impulsores deste segunda vida do agregador social galego, os
catro primeiros anos foron anos de novidades, discusións e
diversións, tres cousas que non sempre foi posÃbel separar, e é
probábel que nesa mestura de acontecementos e conceptos estivese boa
parte da graza do proxecto. Ben, na segunda vida de Chuza! Seguen
adiante as novidades, as discusións e as diversións, e para
conmemoralo convocouse dende a asociación un Certame
de Aplicacións.
O concurso foi lanzado en abril deste ano, pero
coa chegada do 25 de xullo e da conmemoración de Chuza! nada mellor
que lembrar que o prazo de presentacións segue aberto.
Lembrar tamén que o Certame de Aplicacións de
Chuza!, organizado en colaboración co Grupo de Programadores e
Usuarios de Linux (GPUL), dirÃxese a contribuÃr ao desenvolvemento
tanto da páxina web de Chuza! coma do tecido de aplicacións de
software libre galegas.
A este certame poderanse presentar
aplicacións de código aberto relativas á cultura ou á sociedade
galega, podendo ser tanto unha aplicación independente como unha
mellora aplicada á páxina web de Chuza!, optando asà a facerse cun
primeiro premio de 250 euros ou a un par de accésits de 50
euros e/ou material. Valorarase o correcto emprego do paradigma de
programación escollido, o emprego de patróns de deseño coherentes
e xustificados, a accesibilidade da aplicación, a claridade do seu
código e os
principios básicos da programación orientada a obxectos e o
deseño.
A recepción de traballos para este certame
desenvolverase ata o 15 de outubro, elixÃndose ao gañador como
máximo un mes despois de tal data.