Chega a segunda edición do curso sobre Angular Testing da consultora Vitae
mércores, 4 de novembro do 2020
En
materia de desenvolvemento de proxectos tecnolóxicos a realización
de probas debera ser unha desas cuestións que nin é preciso
mencionar porque se dá, dende a orixe mesma dun proxecto,
definitivamente por sentada. Porén, non sempre é así, e as
consecuencias poden ser moi lesivas para todas as frontes, comezando
polo prestixio da empresa e o equipo desenvolvedor. Unha parte
importante da actividade formativa da consultora galega Vitae vai
dirixida a este punto: a axudarnos a aforrar custes, esforzos e
tempos de traballo grazas a unha política integral de probas e
validacións. De aí precisamente xorde o curso Angular
Testing, probas de aplicacións empresariais, que vai pola súa
segunda edición. Serán dez horas de formación a desenvolver a
través da Aula Virtual de Vitae os días 24 e 26 de novembro e 1 e 3
de decembro.
“Neste
curso”, informa a consultora galega, “axudaremos aos asistentes a
que coñezan os fundamentos das técnicas máis comúns para que
poidan incluílos de contado e así mellorar a calidade dos seus
programas”.
En
termos concretos, nas sesións practicarase cos frameworks máis
usados en materia frontend, como Karma-Jasmine/ Cypress, tanto
para probas unitarias como en labores de integración, e poñendo o
foco na importancia de programar con Angular, unha ferramenta que fai
que as probas de aplicacións sexan “un plus de confianza para nós
e para os nosos usuarios”, engade Vitae.
O
formador será Alberto Basalo, enxeñeiro técnico en Informática
con dúas décadas de experiencia como analista programador, xefe de
proxectos e formador en pequenas e grandes empresas. Basalo é, a día
de hoxe, socio director de AgoraBinaria e consultor asociado a Vitae
Consultores.