Chega a España o Microsoft Surface
luns, 2 de marzo do 2009
No seu esforzo por
evolucionar as interfaces tradicionais da informática cara un xeito “máis natural e intuitivo” de
relacionarnos coa información dixital, Microsoft vén de presentar en España o Microsoft Surface, un dispositivo que
ten como principal obxectivo, “difuminar
as barreiras entre a tecnoloxía e o mundo real”.
A ferramenta, que
está baseada nun paso disruptivo, é a primeira dunha categoría totalmente nova
creada pola compañía de Gates, e supón o avance das interfaces gráficas cara as
interfaces naturais de usuario, que lle permiten ao mesmo empregar o tacto, os
xestos da man e incluso obxectos físicos colocados sobre a pantalla.
Surface
proporciónalle, segundo os seus responsables, “unha experiencia completamente distinta aos usuarios finais”,
poñéndolles ao alcance da man, as últimas innovacións en interacción humana coa
informática, ao tempo que se lle proporciona, “unha oportunidade excelente para xerar negocio nos partners”.
Esta ferramenta
inclúe hardware e software e sobre ela pódense integrar un amplo abano de
aplicacións para clientes comerciais que van dende o minorista, ocio,
entretemento, centros sanitarios, banca…
Baseado en Windows
Vista, o Surface “vai máis alá da
experiencia do PC” ao empregar tecnoloxía multi-táctil sobre unha pantalla
horizontal de gran formato e 360 graos, facendo posible que varias persoas
colaboren e toquen a aplicación xuntas ao mesmo tempo, interactuando con
información, contidos e obxectos físicos un xeito tan familiar “que parece o mundo real”.
María Garaña, a
presidenta de Microsoft Ibérica explica que se trata dunha categoría que ten por compromiso “cambiar o
xeito de interactuar cos ordenadores, deixando atrás a interface gráfica do
usuario de hai máis de 30 anos”.