Bubok lanza un editor de balde de libros electrónicos
luns, 24 de setembro do 2012
Bubok, a plataforma
de autopublicación de libros, comezou esta semana cunha novidade de interese
para autores e para lectores. Máis polo miúdo, os responsábeis do servizo poñen
en marcha BubokWriter, unha ferramenta de
balde que permite crear. “de xeito doado
e cómodo”, libros electrónicos en formato ePub, que é o formato estándar
que se adapta aos diferentes tamaños das pantallas do amplo abano de lectores
de e-books que hai arestora no mercado (iPad, iPhone, Kindle ou Papyre,
entre outros).
Esta aplicación
posibilita escribir “directamente o libro
na propia plataforma web, como un editor de texto calquera, onde tamén podemos
engadir imaxes ou importar textos dende un arquivo Word”. Ao rematar o
libro, a plataforma permite publicalo e vendelo a través de Bubok. Polo tanto,
a gran novidade é que a partir de agora os escritores poden publicar obras non
só en formato PDF, senón tamén en ePub “ampliando
deste xeito as posibilidades de lectura”.