Bieito XVI envÃa o seu primeiro tuit
mércores, 29 de xuño do 2011
Esta mañá, a Oficina de
Prensa do Vaticano inaugurou
oficialmente a súa nova páxina web informativa News.va, no que poderán
consultarse todas as novas que difunden os distintos medios da Santa Sé, como a
propia oficina, o diario vaticano Osservatore Romano,
a Radio Vaticana, a axencia Fides e o Vatican
Information Service (VIS), e para anunciar esta estrea o papa Bieito XVI escribiu o seu primeiro
tuit no que di: «queridos amigos, veño de lanzar News.va. ¡Bendito
sexa o noso señor Xesucristo! Coas miñas bendicións e oracións, Bieito XVI».
Para este momento histórico, o
PontÃfice premeu un botón nun iPad que activou o novo espazo web e remitiu a
devandita mensaxe en Twitter a través dunha conta que
supera os 32.000 seguidores (pero dende a que non se segue a ninguén).
O espazo inaugurado hoxe con ocasión da celebración de San Pedro e San Pablo e
da celebración do 60º aniversario da ordenación sacerdotal de Bieito XVI leva
por lema The Vatican Today e tenderá unha
ponte ás redes sociais, con accesos a Facebook e Twitter. Tamén servirá para
seguir en directo as actividades do Papa, como o ángelus
dos domingos ou as viaxes apostólicas. Tamén integrará os vÃdeos do
Vaticano en YouTube e permitirá escoitar en directo as novas de Radio Vaticana.
Bieito XVI inaugurou a páxina web News.va
- A posta en marcha de News.va activouse nun iPad polo propio Bieito XVI