Barrantes e Escusa xa contan con acceso de banda larga á Internet
mércores, 1 de xuño do 2011
A Administración galega
continúa a facer reconto dos avances do Plan de Banda Larga 2010-2013, e agora detallan
que o concello de Ribadumia na comarca pontevedresa de O Salnés evolucionou moi
positivamente na cobertura da banda larga, pois ao comezo do Plan tiña unah
cobertura do 57,14% da súa poboación, chegando xa ao 92,74% e pretendendo
chegar ao 97,49% cando rematen estas iniciativas de mellora de infraestrutura
que permiten que os cidadáns poidan contratar conexións fixas a 6 Mbps de
velocidade a través do operador Movistar.
As actuacións do Plan de Banda Larga 2010-2013 en Ribadumia consistiron
principalmente no espallamento
de redes fixas aos núcleos de Barrantes e Escusa, que aglutinaban a máis da
metade dos habitantes sen cobertura no municipio.
