Avanza a Lei que contribuirá á modernización do sistema bibliotecario galego
xoves, 24 de novembro do 2011
O Consello da Xunta de Galicia aprobou
hoxe o anteproxecto da Lei de bibliotecas de Galicia, promovido pola
ConsellerÃa de Cultura e Turismo, a través da Dirección Xeral do Libro,
Bibliotecas e Arquivos, que servirá para modernizar e potenciar o sistema bibliotecario
galego. Os cambios e a evolución das bibliotecas públicas galegas fan necesaria
a elaboración dunha lei que os regule e impulse o sistema bibliotecario galego adaptándoo
á nova realidade e aos cambios sufridos desde a aprobación da actual normativa
en 1989.
Esta lei incorpora e adáptase a
aspectos tan esenciais como a transferencia da xestión das bibliotecas públicas
do Estado e a súa integración no sistema bibliotecario galego; a creación e o
desenvolvemento de novas bibliotecas nos concellos; inclúe a Rede de Bibliotecas
Públicas de Galicia, definido no desenvolvemento normativo posterior á lei; a creación
da Biblioteca de Galicia, co seu papel de institución central do sistema galego
de bibliotecas; a necesidade de mellorar os mecanismos de protección e difusión
do patrimonio bibliográfico galego e a expansión das novas tecnoloxÃas de
acceso á información e documentación, das cales nacen as denominadas
bibliotecas dixitais.
A democratización do acceso á
información e a posibilidade dos novos medios de almacenamento, tratamento e
transmisión de datos ofrecen unha oportunidade única de achegar aÃnda máis os
fondos e os servizo bibliotecarios a todos os cidadáns. Deste xeito, a lei
adopta as previsións básicas para adaptar a xestión das bibliotecas públicas galegas
ao contexto dixital. Trátase de facilitar o acceso á información e ao coñecemento
dos cidadáns mediante tres accións: a accesibilidade á rede, como condición
previa para maximizar os beneficios de que cidadáns, investigadores e empresas podan
acceder á información; a dixitalización das coleccións para o seu uso xeneralizado;
e a preservación desas coleccións, que garanta ás futuras xeracións o acceso a
este material e evite a súa posible perda.
A biblioteca dixital é unha colección
estruturada e organizada de documentos dixitais que permite o acceso desde
calquera lugar do mundo e en calquera momento aos seus usuarios. Este novo
sistema contribúe á universalización do coñecemento, promove a accesibilidade
en liña dos recursos á cidadanÃa, facilita a dixitalización de coleccións analóxicas
para ampliar o seu uso na sociedade da información e facilita a preservación e
almacenamento dos contidos. A conexión a través de redes de comunicación de
alta capacidade entre as bibliotecas, e entre estas e os usuarios, fará posible
compartir recursos e o desenvolvemento de novos servizos como os catálogos en
liña, consultar préstamos ou reservar documentos.