Até 200.000 persoas visitaron o ano pasado a web do Instituto Galego de Consumo
luns, 15 de marzo do 2021
Este
luns 15 de marzo é o DÃa Mundial dos Dereitos das Persoas
Consumidoras e a Dirección Xeral de Consumo non quixo deixar pasar a
oportunidade de celebrar a xornada e, tamén, de facer balance dos
principais recursos cos que contamos os usuarios-consumidores en
Galicia para protexernos. Por exemplo a
web do Instituto Galego do Consumo e da Competencia, que o ano
pasado visitaron máis de 200.000 persoas e que preto de 5.000
internautas utilizaron para facer as súas reclamacións en liña.
Estes
e outros datos foron achegados polo director xeral de Comercio e
Consumo, Manuel Heredia, que engadiu que a páxina conta cunha
nova aula virtual e unha ludoteca na que se poden descargar un cómic
e un conto para achegar aos máis novos ao consumo responsábel.
Entre
as novas funcionalidades da web consumo.xunta.gal
atópase como dixemos unha nova aula virtual para a realización de
cursos, obradoiros, conferencias, publicacións e estudos. Tamén
dispón dunha nova sección de ludoteca, na que xa se pode acceder a
un conto sobre a seguridade nos xoguetes e a un cómic que achega
consellos para comprar seguro a través de Internet.
Tal
e como explicou o director xeral de Comercio e Consumo, que estivo
acompañado pola xerente do Instituto Galego do Consumo e da
Competencia, MarÃa Jesús Muñoz, estes libros están a disposición
dos centros educativos galegos, salientando que a colaboración cos
mesmos é primordial para chegar á poboación máis nova. No acto
celebrado hoxe participaron representantes do IES Antón Fraguas de
Santiago de Compostela, aos que se fixo entrega de exemplares destas
novas publicacións.
Manuel
Heredia sinalou asà mesmo que o IGCC pon a disposición de todas as
persoas consumidoras a través da web un asistente de reclamacións,
que permite presentalas en liña sempre que se conte cun certificado
dixital ou a Chave365, e que tamén se pode utilizar para facer todos
os pasos na web e despois imprimir a reclamación para presentala de
xeito presencial en calquera rexistro público.
Ademais
de para presentar as novas actuacións, o acto deste 15 de marzo
serviu tamén para facer balance da actividade realizada polo
Instituto Galego do Consumo e da Competencia no 2020, marcado pola
evolución da COVID-19. Tal e como sinalou Manuel Heredia, o ano
pasado o IGCC atendeu un total de 39.133 consultas e 16.443
reclamacións, máis de 45 ao dÃa. Os sectores máis reclamados
foron os de telefonÃa (29,1%), seguido de subministración de
enerxÃa eléctrica (10%), turismo e ocio (7,3%), transportes (6,7%),
saúde e estética (5,9%) e financeiro (5,8%). Das queixas
presentadas, ata a data foron resoltas xa o 45% de maneira favorábel
ao consumidor, un 15% resolvéronse a través dun laudo arbitral e
máis dun 5% supuxeron a apertura dun expediente sancionador.