As tarifas de O₂ por fin están dispoñibles en toda Galicia

Até hai uns días as tarifas de O₂ eran un tanto curiosas, xa que non eran uniformes territorialmente, de xeito que o prezo podía diferir en función da situación competitiva da nosa localidade, e incluso había paquetes que non estaban dispoñibles nas poboacións nas que non había competencia dabondo. Pero finalmente mudou o panorama, e xa podemos contratar todas as tarifas de O₂ en todo o territorio galego onde hai cobertura destacando o feito de que onte mesmo lanzaron dúas novas tarifas: unha tarifa combinada de fibra de 500 Mbps e móbil con chamadas ilimitadas e100 GB de datos por 42 euros/mes e una tarifa de fibra de 1 Gbps por 31 euros/mes.
Pero se consultamos as tarifas de fibra e móbil, probablemente haxa moitos consumidores que vexan especialmente interesante a súa tarifa combinada máis económica, que inclúe teléfono fixo, fibra de 300 Mbps e móbil con chamadas ilimitadas e 35 GB de datos 5G por 35 euros/mes (e 5 euros por liña adicional con 10 GB de datos). Deste xeito increméntase considerablemente a competencia no sector das ofertas combinadas de fibra e móbil (especialmente nas que inclúen teléfono fixo), e O₂ incluso podería facer fronte a Digi alí onde ofrece o seu servizo de fibra indirecta.
Lembremos que as tarifas de O₂ son prezos ordinarios (sen a necesidade de subscribir promocións para gozar de prezos reducidos como acontece con outras compañías), sen permanencia, con alta de balde e gozando da calidade da infraestrutura de rede de Telefónica, compañía da que O₂ forma parte. Tamén cómpre salientar que o operador de baixo custo de Movistar é dos poucos que ten soporte de MultiSIM compatible con Apple Watch, así como de eSIM.