As novas tecnoloxÃas, moi presentes na catro novas incorporacións á Tecnópole
martes, 12 de abril do 2016
O
Parque Tecnolóxico de Galicia ou Tecnópole vén
de anunciar que aumentará até 89 a súa nómina de empresas coa
achega de catro novas iniciativas de negocio especializadas na
prestación de servizos TIC avanzados, comercio electrónico de
produtos gourmet e
formación. AsÃ, a consultora Legal
Forma instálase no edificio Tecnópole I para emprestar servizos
de seguridade informática e desenvolvemento de actividades
formativas e solucións tecnolóxico-dixitais, principalmente de
e-learning,
simulación 3D e realidade virtual, nos ámbitos dos idiomas, da
saúde e técnico.
En
canto á domiciliación virtual, chegan a Tecnópole outras tres
empresas. Ultrasmarts
Networks, que prestará servizos avanzados de xestión de datos
nos eidos da información masiva (Big
Data) e da intelixencia nos negocios,
amais de desenvolver aplicacións móbiles, plataformas de comercio
electrónico e xestión de redes sociais.
A segunda empresa que
accederá á Tecnópole é unha centrada nos produtos gourmet,
Atlántica
Trader Global, adicada á venda en liña dunha ampla gama de
alimentos delicatessen,
bebidas e suplementos nutricionais.
En terceiro lugar o Parque
Tecnolóxico de Ourense contará con Conforma
Consulting, a cal achegará servizos de formación dirixida a
múltiples sectores, como o do transporte profesional, o da saúde, o
da prevención, o da construción e o adestramento en habilidades
directivas mediante coaching,
entre outros.