As entidades impulsoras de Emprende Makers converteron decembro nun mes tecnolóxico-argalleiro
martes, 3 de xaneiro do 2023
Co
remate do ano completáronse
as accións levadas a cabo no proxecto galego-portugués Emprende
Makers, unha serie de iniciativas destinadas mellorar a
competividade das pequenas e medianas empresas (pemes) nas dúas
beiras da raia. O proxecto, que apostou por facilitar a creación e
posta en marcha dunha rede de emprendemento que funcionase a xeito de
punto de encontro e colaboración tecnolóxica, foi co-financiado ao
75% polo FEDER a través do Programa INTERREG V A España-Portugal
(POCTEP) 2014-2020, cun orzamento de 1.741.202,53 €.
En
Emprende Makers participou, xunto a Deputación, o Concello de
Ourense como beneficiario principal xunto á Dirección Xeral de
Emprego, Traballo Autónomo e Economías Social da Xunta de Galicia;
a Universidade de Vigo (a ESEI); as Cámaras Municipais de Melgaço,
Paredes de Coura e Vila Nova de Famalicão; e a Universidade do
Minho.
A
entidade provincial levou a cabo unha serie de accións ao longo
deste ano, rematando o proxecto coa organización do Decembro
Maker Talks, onde tamén se celebrou o concurso Talento Maker
e colleu corpo o manual Argalleiros.
A
iniciativa Decembro Maker Talks consistiu nunhas xornadas na
Escola Superior de Enxeñería Informática do Campus de Ourense,
centradas na innovación e na tecnoloxía desde “unha perspectiva
didáctica e práctica”. Asistiron profesionais de diversos
sectores e ámbitos, por exemplo os da Intelixencia Artificial, a
impresión 3D, os videoxogos, a ciberseguridade ou dende novos
espazos cidadáns concibidos como laboratorios transformadores,
puntos de encontro de talento e para o coñecemento.
O
concurso Talento Maker contou coa participación da mocidade e
tivo como obxectivo visibilizar ante a xuventude as principais áreas
de tecnoloxía colaborativa e participativa e presentalas como “unha
panca de desenvolvemento e innovación, para espertar e madurar a
vocación, conectar a veciños con outros makers do seu
entorno e premiar o esforzo e o talento”, sinalaron fontes da
Deputación, engadindo que o manual Argalleiros, outra das
iniciativas desenvolvidas, é unha guía para o usuario, con puntos
de carácter xeral (introdución ao movemento maker ou a
historia deste movemento en Galicia e no norte de Portugal e as
diferentes tecnoloxías empregadas neste eido), ademais dun glosario
de termos e conceptos e un apartado sobre a Rede Maker GNP.
Ademais,
dentro das actividades realizadas pola Deputación de Ourense,
destacan tamén:
-Espazos
Kids: Actividades que chegaron a case 800 nenos e
nenas de entre 8 e 11 anos da provincia de Ourense para inicialos nas
tecnoloxías argalleiras.
-Accións
dirixidas a reforzar o coñecemento das posibilidades das TIC
(Tecnoloxías da Información e a Comunicación) e os recursos maker
como instrumentos de xeración de solucións innovadoras e creativas
(51 alumnos), que contaron cun acto de entrega de diplomas e
mostraron algúns dos prototipos máis destacados, como de accións
formativas específicas no campo do emprendemento (106 alumnos).
-Xornadas
de acceso a financiamento e a mercados exteriores, dirixidas aos
emprendedores de Galicia e Norte de Portugal cunha idea ou proxecto
empresarial vencellados a solucións tecnolóxicas, deseños de
proxectos ou procesos innovadores asociados ao ámbito maker.
-Hackathon
- Laboratorio de ideas e innovación que contou coa participación
de máis de 50 persoas e que tiña o obxectivo de seleccionar e
premiar as mellores solucións innovadoras para o desenvolvemento do
turismo sustentábel en Galicia e na rexión do Norte de Portugal.