As cousas que pode facer a Intelixencia Artificial para impulsar o noso audiovisual, ao detalle nun webinar o 18 de xuño
xoves, 10 de xuño do 2021
18 de xuño temos unha cita para marcar no calendario relacionada
coas posibilidades (moitas e variadas) que achegan as tecnoloxías
máis disruptivas para transformar os sectores produtivos, neste caso
concreto o puxante sector audiovisual galego. O
seminario en liña Que pode facer a Intelixencia
Artificial polo sector audiovisual? vén
da man do Clúster
Audiovisual Galego coa colaboración do Clúster TIC Galicia e o
apoio do IGAPE.
Segundo
informa a organización, a IA pode abranguer mancheas de áreas e
funcionalidades dentro do sector audiovisual, e no webinar
teremos unha oportunidade para ver, ao detalle, unhas cantas destas
potencialidades.
No
webinar, que será presentado e moderado por Manuel Meijide,
responsábel da Área de Contidos Dixitais do Clúster Audiovisual
Galego, daranse a coñecer algunhas aplicacións da IA á nosa
industria e de como estas poden ser de gran axuda.
Os
investigadores da Universidade de Granada (UGR) Juan Julián Merelo e
Pablo García-Sánchez darán a coñecer un proxecto deseñado en
colaboración coa Universidade de Cádiz (UCA) consistente no
primeiro sistema informático do mundo baseado en técnicas de
Intelixencia Artificial que axuda aos guionistas a escribir a
historia que mellor poda funcionar de cara ao público.
A
sesión continuará coa intervención de Juan Romero, profesor da
Universidade da Coruña e co fundador de PhotoIlike.com,
quen amosará aos asistentes as posibilidades que ofrece esta
ferramenta no sector audiovisual.
De
seguido, Manuel Miguez, director da empresa de software 3.14
Financial Contents detallará as solucións de Intelixencia
Artificial creadas pola súa empresa para a industria audiovisual. Os
asistentes terán ocasión de formular as cuestións que consideren
de interese sobre estes temas aos participantes no webinar.
Programa
de actividades
-10:00
h. Apertura da xornada e presentación
Manuel
Meijide, responsábel da Área de Contidos Dixitais do Clúster
Audiovisual Galego
-10:10
h. Aplicación da Intelixencia Artificial á análise do guión
Juan
Julián Merelo, investigador do Departamento de Arquitectura e
Tecnoloxía de Computadores e Catedrático da Universidade de Granada
Pablo
García-Sánchez, investigador do Departamento de Arquitectura e
Tecnoloxía de Computadores da Universidade de Granada
-10:30
h. PhotoILike: aplicacións no sector audiovisual
Juan
Romero, co-fundador de PhotolLike.com e profesor da Universidade da
Coruña
-10:50
h. 3.14 Financial Contents: Solucións IA para a industria
audiovisual
Manuel
Miguez , director de 3.14 Financial Contents
-11:10
h. Rolda aberta de preguntas
-11:30
h. Peche da xornada