As Google Glass xa poden mercarse nos EE.UU. sen invitación

Hai pouco puidemos ver como as populares lentes de Google se ofrecían durante 24 horas ao público xeral nos EE.UU., de xeito que xa non era precisa a invitación para poder facerse cunhas Glass, pero esta oportunidade por tempo limitado deixa de serlo, e o proxecto Google Glass podería considerarse agora en beta pública, xa que o Programa de Exploradores queda aberto a calquera nos EE.UU. que estea disposto a pagar os 1.500 dólares que custa o trebello que só custaría 152,47 dólares en compoñentes (aínda que a compañía que fixo este cálculo lembra que os produtos non custan a suma das súas partes, pois precisan de software e dun custoso proceso de investigación e desenvolvemento).
Con este cambio na política de distribución das Google Glass búscase ten un maior campo de probas para o que podería chegar a ser un produto comercial a finais de ano ou para o ano que vén, e o feito de que estean a facilitar o facerse co modelo actual tamén podería ser o preludio do lanzamento dunha nova versión, máis próxima do que sería o dispositivo final.