Arteixo Telecom achegará contadores intelixentes a Endesa
mércores, 30 de marzo do 2016
Arteixo Telecom, firma
galega de telecomunicacións emprazada nas Pontes, semella estar en
pleno proceso de recuperación (cómpre
lembrar que en 2013 presentou concurso de acredores), un regreso
polo vieiro do medre que xa
comezou a amosar hai agora dous anos, cando confirmou a
consecución de boa parte dos apoios precisos para impulsar a saÃda
da paréntese produtiva e competitiva. Segundo puidemos saber hoxe, a
firma tecnolóxica encetará nas vindeiras semanas a execución dun
contrato coa compañÃa italiana Enel para xerar máis de millón e
medio de contadores intelixentes de electricidade, sendo Endesa
(filial de Enel) a destinataria final destes aparellos smart, un
tipo de tecnoloxÃas que como recordaremos serán obrigatorias para
todos os fogares antes do remate de 2018. O contrato
establecido será de dous anos.
A firma galega, que
participou na poxa xunto ao socio francés Sagecom, encargarase dos
treitos finais da fabricación dos aparellos (o deseño e os
primeiros elos da cadea correrán a cargo de Sagecom). Serán 1,4
millóns de contadores monofásicos e 200.000 trifásicos. Os
dispositivos terán o seu mercado en España e Portugal e os
traballos de fornecemento arrincarán co comezo do verán. Arteixo
Telecom ten entre as súas previsións achegar entre 7.000 e 15.000
contadores ao mes. Os traballos de fabricación levaranse a cabo na
factorÃa da compañÃa galega en As Pontes. Ao mesmo tempo que se
establece e desenvolve esta liña de fabricación a firma manterá a
súa actividade, tentando incrementala ao máximo, no ámbito das
telecomunicacións e os equipamentos electrónicos para o eido do
transporte.