Apple presentou as novas versións dos seus sistemas operativos
luns, 10 de xuño do 2013
Esta tarde botou a andar o WWDC 2013 en San Francisco,
encontro que contou cunha importante keynote que pretendÃa servir de plataforma
para dar a coñecer boa parte das novidades de de software Apple para os
vindeiros meses, á vez que serviu para presentar a renovación do
MacBook Air e o anuncio dun novo Mac Pro.
Tim Cook fixo acto de presenza para dar algúns datos sobre a compañÃa,
destacando o rendible que sae para os desenvolvedores facer software para
dispositivos móbiles de Apple e pasando logo a unha serie de anuncios de
interese, como a vindeira actualización
de OS X, que abandonará os como alcume o nome de felinos e coñecerase como
OS X Mavericks na honra do Estado de California.
Entre as novas da vindeira
versión de OS X está un Finder con pestanas, etiquetas no Finder e nos
arquivos, mellor control multi-pantalla (agora cada monitor poderá funcionar
con aplicacións a pantalla completa de xeito independente, corrixindo unha
importante eiva de OS X), nova versión más
social de Safari, un sistema de notificacións mellorado (podendo responderse
as mesmas directamente), a chegada de aplicacións como iBooks e Maps ao Mac e a
ferramenta iCloud Keychain (que facilita a xestión de contrasinais na web).
Pero as novidades de OS X non eran precisamente o máis agardado, senón iOS era
a grande incógnita da xornada, pois agora que estaba entre as responsabilidades
de Jonathan Ive, era de agardar un importante cambio na súa estética, o que comezará
a producirse no iOS 7 que chegará no outono e que os desenvolvedores poden
comezar a probar dende hoxe.
iOS 7 presenta un deseño renovado,
pero mantendo moitos elementos para que non deixe de resultar familiar para os
usuarios. Entre as funcionalidades que ten o novo sistema operativo móbil é un Centro
de Control que axiliza o acceso ao modo avión, á activación da Wi-Fi, ao control
do brillo, ao bloqueo da orientación ou mesmo ao flash da cámara (para
empregalo como lanterna) o que era unha esixencia histórica por moitos usuarios
(que conseguÃan funcionalidades semellantes recorrendo ao jailbreak); un Centro de Notificacións accesible incluso dende a
pantalla de desbloqueo que amósanos información de interese (a axenda, mensaxes
recibidas, notificacións de aplicacións...); un sistema máis intelixente de
multi-tarefa; un control da cámara máis xestual (facilitando a toma de
instantáneas, a creación de panorámicas ou a aplicación de filtros artÃsticos);
unha galerÃa fotográfica que incorpora coleccións, momentos e anos, para
facilitar a exploración das imaxes; o uso de AirDrop para compartir
fotografÃas, vÃdeos ou contactos (a través de Wi-Fi e Bluetooth); un navegador web
Safari mellorado (a barra de enderezos unifÃcase coa barra de busca, estrea
unha vista por lapelas, amosa as ligazóns que comparten os nosos amigos en
Twitter e facilita crear listaxes de lectura); estrea o servizo iTunes Radio
(servizo de música por streaming que
polo momento só estará dispoñible nos EE.UU.); melloras en Siri; a posibilidade
de buscar aplicacións da App Store segundo a nosa localización; melloras de
seguridade no sistema Busca Mi iPhone
(que precisa de usuario e contrasinal para a súa desconexión ou borrado, facendo
que un móbil roubado continúe ligado á nosa persoa); e incluso melloras para a
súa comunicación con algúns vehÃculos (principalmente de alta gama). Para poder
empregar iOS 7 será preciso contar cun iPhone 4 ou superior, un iPad 2 ou
posterior ou un iPod Touch, estando ausentes algunhas prestacións do novo
sistema operativo nos dispositivos máis vellos (por exemplo, os filtros
artÃsticos na cámara precisan dun iPhone 5 ou un iPod Touch de quinta
xeración).
Podemos ver esta revisión de iOS como unha evolución cara a unha interface máis
limpa e plana, cambio presente en numerosas aplicacións do sistema, que sen ter
unhas funcionalidades diferentes, preséntanse dun xeito novo, máis minimalista,
nunha liña estética que pode lembrar a Windows Phone, aÃnda que respectando as
liñas básicas de iOS.