AmplÃase a rede de videovixilancia forestal con máis cámaras
xoves, 29 de decembro do 2022
- A Rede de Videovixilancia Forestal botou a andar en 2018.
A Xunta continúa ampliando e mellorando a capacidade da Rede
de videovixilancia con máis cámaras, renovando dispositivos que incorporarán
novas funcionalidades e implementando novas solucións para poder aplicar a
intelixencia artificial á prevención de incendios. Son as medidas dunha nova
addenda ao convenio entre a ConsellerÃa do Medio Rural e a AMTEGA e Retegal
para incrementar a dotación orzamentaria destinada á Rede en 2,3 millóns de
euros ata 2025.
O acordo permite asà seguir incorporando novos centros e
cámaras de altas prestacións á Rede, a cal estará integrada por ata un total de
76 centros de telecomunicacións e 153 cámaras cunha resolución que permite
mesmo distinguir matrÃculas de vehÃculos nas pistas forestais.
Outra das medidas é a renovación das cámaras de
videovixilancia instaladas na primeira e segunda fase do proxecto, que comezou
en 2018, priorizando aqueles dispositivos instalados nos centros de
telecomunicación situados nas cotas máis altas. Estas cámaras están expostas a
continuos cambios de temperatura e condicións meteorolóxicas adversas que
poderÃan acabar impactando no rendemento e operatividade do servizo.
As cámaras renovadas incorporarán novas funcionalidades,
tales como maior sensibilidade, mellora no zoom óptico, novos algoritmos de
compresión de vÃdeo, menor consumo eléctrico e carga aerodinámica, o cal
permitirá mellorar as tarefas asociadas ao proceso de videovixilancia dos
espazos forestais.
Ademais, grazas a esta addenda adquirirase un hardware e un
software especÃfico para facilitar un procesado das imaxes captadas pola rede
necesario para aplicar técnicas de intelixencia artificial e poder realizar, a
medio prazo, análises preditivas para a mellora do proceso de identificación e
prevención de incendios.
Cámaras de altas prestacións
A Rede de videovixilancia dos espazos forestais entrou en funcionamento en 2018 como un instrumento de apoio ao labor de detección, prevención e seguimento de incendios. Para o seu despregamento aproveitáronse as infraestruturas do operador público Retegal, instalando en cada un dos 44 centros iniciais dúas cámaras de altas prestacións, con capacidade para operar baixo temperaturas extremas e resistentes a ventos furacanados.
Plataforma para unha xestión integral
A Rede xestiónase de xeito centralizado a través dunha
plataforma tecnolóxica que posibilita a vixilancia remota dos montes desde os
centros de coordinación (central, provincial e de distrito) as 24 horas do dÃa
e permite aos axentes e técnicos forestais o acceso en tempo real ás imaxes,
mesmo a través de dispositivos móbiles.
En caso de detectarse un lume o sistema achega información
visual en directo sobre o avance e as condicións do incendio e permite
xeoposicionar o punto que se está a visualizar en cada momento. Deste xeito, a
Rede ofrece un mecanismo de apoio á toma de decisións polas autoridades e
persoal técnico competentes para mobilizar e xestionar medios e recursos para
os labores de extinción. A Rede almacena 3.000 imaxes cada segundo, o que supón
un total de 7.776 millóns de imaxes ao mes.
Investimento
Este convenio conta cun orzamento no perÃodo 2023-2025 de
2,3 millóns euros que financian a ConsellerÃa do Medio Rural e a Axencia
autonómica, incrementando o investimento total na rede ata os 5.615.492,12
euros.
Estas actuacións están cofinanciadas nun 75 % polo Fondo
Europeo AgrÃcola de Desenvolvemento Rural (Feader), nun 7,5 % polo Ministerio
de Agricultura, Pesca e Alimentación e nun 17,5 % pola Xunta de Galicia, no
marco da submedida 8.3, Prevención do dano causado por incendios, desastres
naturais e outras catástrofes.