Amazon presenta un novo tablet e renova os seus eReaders
mércores, 28 de setembro do 2011
A familia de
dispositivos electrónicos de Amazon baixo a marca Kindle renóvase, cunha maior
diversidade de eReaders a prezos moi agresivos, e cun tablet con Android con
pantalla de 7 polgadas que promete revolucionar o sector ao ofrecerse con
grande acerto cunha ampla oferta de contidos descargables de distinto tipo. Este
novo trebello responde ao nome de Kindle Fire, chegará aos EE.UU. o vindeiro 15
de novembro e o seu prezo será de só 199 dólares.
O Kindle
Fire ten unha pantalla IPS multi-táctil de 7 polgadas cunha resolución de
1.024 x 600 pÃxeles, procesador de dobre núcleo, unhas medidas de 190 x 120 x
11,4 milÃmetros, pesa 413 gramos, integra 8 Gb de almacenamento interno
ampliable mediante un almacenamento na nube que ofrece Amazon de balde, ten
conectividade Wi-Fi N, USB 2.0, toma para auriculares, unha autonomÃa de ata 8
horas de lectura e 7,5 horas de reprodución de vÃdeo. Soporta contidos en
distintos formatos, como Kindle (AZW), TXT, PDF, MOBI, DOC, DOCX, JPEG, GIF,
PNG, BMP, AAC sen DRM, MP3, MIDI, OGG, WAV, MP4 e VP8. Carece de 3G, micrófono
e cámaras.
Este hardware non destaca fronte a outros tablets con Android (o Kindle Fire
funciona cunha versión de Android personalizada), senón polos servizos
asociados, contando con acceso á Amazon Appstore (con milleiros de aplicacións
e xogos), a 18 millóns de pelÃculas, series de televisión, cancións revistas e
libros e o novo navegador web Amazon
Silk, que aproveita os servidores Amazon EC2 para acelerar a carga de
páxinas web.
Pero o prezo do Kindle Fire tamén ten repercusión nos seus irmáns pequenos, que
na súa nova iteración reducen o seu prezo, de xeito que agora temos o
Kindle básico (só con Wi-Fi) por só 79 dólares, o Kindle
Touch (con pantalla táctil) por 99 dólares, o Kindle
Touch 3G (con pantalla táctil e conectividade 3G) por 149 dólares, todos
coa súa excelente pantalla E Ink de 6 polgadas e prescindindo do teclado
completo que habÃa na parte inferior de modelos anteriores, polo que reducen o
seu peso e tamaño.
De todos os xeitos cómpre precisar que todos estes produtos presentados hoxe
aÃnda non teñen data de lanzamento en España, aÃnda que é de agardar que antes
de rematar o ano a plataforma Kindle chegue ao noso territorio, o que non só
facilitará a adquisición deste hardware, senón que tamén suporÃa a eclosión dos
contidos electrónicos en español, que son unha das grandes carencias da oferta
actual de e-book.
- O Kindle básico reduce o seu prezo a 79 dólares
- O Kindle Touch prescinde de botóns ao incorporar pantalla táctil
- O Kindle Fire achega multitude de contidos á súa pantalla de 7 polgadas
- O Kindle Fire funciona cunha versión modificada de Android que facilita o acceso a e-books, libros, pelÃculas, series de televisión e música dispoñible nos servizos en liña de Amazon
Anuncio televisivo do Amazon Fire