Amazon comeza a enviar paquetes con drons nos EE.UU.
xoves, 29 de decembro do 2022
Amazon comezou
oficialmente a realizar entregas de pedidos mediante drons nos EE.UU. segundo
confirmou a compañÃa a Fox 40 News, comezando este servizo en Lockeford
(California) e College Station (Texas). A voceira de Amazon Air, Natalie Banke,
asegurou que «a nosa intención é introducir de xeito seguro os nosos drons nos ceos.
Comezamos nestas comunidades e gradualmente espallaremos as entregas a máis clientes
ao longo do tempo».
Para gozar deste servizo os clientes teñen que solicitalo expresamente, o que
permitiralles poder facer pedidos que serán entregados por un dron que voará
até o seu xardÃn, descendendo dabondo para poder depositar o paquete
correspondente (que non poderá pesar máis de 2,2 quilos) e marchar voando.
O modelo de dron que realizará as entregas será o MK27-2, equipado con 6
hélices e deseñado para minimizar as ondas sonoras de alta frecuencia e, aÃnda
que contan con software que permiten o seu funcionamento autónomo evitando cables
eléctricos, chemineas e outros obstáculos, nesta fase do proxecto os
desprazamentos dos drons estarán supervisador por humanos.