Amazon comeza a entregar produtos no mesmo día na Comunidade de Madrid

A chegada de Amazon a España supuxo un importante pulo para o comercio electrónico no noso territorio, especialmente a nivel loxístico, e a compañía norteamericana continúa a revolucionar o sector ofrecendo agora a posibilidade de recibir os produtos no mesmo día sempre que estean dispoñibles e se encarguen antes da hora límite (que indicarase na propia ficha do produto).
Este novo servizo de entrega urxente ten un prezo de 9,99 euros para clientes xerais e de 6,99 euros para subscritores de Amazon Premium, estando dispoñible para a meirande parte dos códigos postais da Comunidade de Madrid. As entregas realízanse de luns a venres entre as 17:30 e as 21:00 horas en función da ruta de reparto.
No caso de que Amazon non cumpra co compromiso de entrega, reembolsará os gastos de envío ao usuario. Dadas as condicións deste tipo de entrega, só estará dispoñible para produtos vendidos ou xestionados directamente por Amazon.