Adxudicada a oficina técnica do proxecto smart de Compostela
luns, 26 de agosto do 2019
O
Concello
de Santiago vén de adxudicar o servizo da oficina técnica do
proxecto intelixente da cidade, o proxecto SmartIago, por un importe
de 338.800 euros (IVE incluído). Estes e outros datos sobre os
vindeiros pasos de Compostela en materia tecnolóxica e dixital foron
dados a coñecer polo alcalde, Xosé Sánchez Bugallo, que engadiu a
primeira fase do programa conta cun orzamento de case 6,2 millóns de
euros, do que 5 proceden de fondos europeos. O resto vén da man da
Administración local e a autonómica.
Segundo
engadiu o novo rexedor, o volume de actuacións executadas a día de
hoxe ao abeiro do proxecto é “de aproximadamente 40.000 euros dos
máis de 6 millóns”. A intención do actual equipo de Goberno é
imprimir a maior rapidez aos procedementos proxecto para “executar
en dous anos e catro meses o 99,3% do SmartIago”.
Como
lembraremos, o proceso de licitación da oficina técnica comezou hai
algo máis máis de un ano, da man do Executivo de Martiño Noriega.
Segundo fixo saber o daquela rexedor, a iniciativa abrangue tres
liñas estratéxicas definidas: a xestión sustentábel e intelixente
dos residuos sólidos urbanos, a mobilidade intelixente sustentábel,
e o alumeado ornamental intelixente para a conservación do
patrimonio. En termos máis xenéricos, SmartIago busca transformar
Compostela nunha Cidade Intelixente: unha capital galega máis
sustentábel e optimizada e mellor comunicada e xestionada.