Adamo achegará a súa rede de fibra óptica a 33.000 familias luguesas
luns, 17 de outubro do 2022
Preto de 33.000 familias que residen en zonas illadas e
dispersas da provincia de Lugo terán, por fin, acceso á Internet de alta
velocidade grazas á segunda convocatoria do Programa ÚNICO-Banda Larga,
financiado polo fondo Next Generation EU e dentro do Plan de Recuperación,
Transformación e Resiliencia, da que o Ministerio de Asuntos Económicos e
Transformación Dixital vén de dar conta do seu resultado provisorio.
O operador Adamo, principal adxudicatario a escala nacional
das subvencións comunitarias para estender fibra en áreas rurais (312.000
vivendas en 17 provincias), será a empresa que levará a cabo o cableado na
provincia de Lugo. Para iso, recibirá 12,3 millóns de euros, cantidade que
completará con outros 5,2 millóns de capital privado até alcandar os 17,5 de
orzamento total. O prazo para a instalación comezará unha vez que a resolución
sexa firme e finalizará o 31 de decembro de 2024.
Os traballos de Adamo marcarán un antes e un despois na vida
desas 33.000 familias luguesas, debido a que pasarán a realizar con garantÃas,
cunha conexión á Internet de calidade, actividades que hoxe podemos considerar
habituais: teletraballo, educación en liña, compras pola Internet, citas
médicas telemáticas ou gozar de videoxogos, series e pelÃculas en remoto, entre
outras. Iso sitúa á fibra óptica como un elemento fundamental para fixar
habitantes no territorio, como unha ferramenta imprescindible na loita contra o
fenómeno do despoboamento, un mal que afecta a numerosas vilas luguesas.