Ábrese a convocatoria do segundo programa de aceleración Conector Galicia
martes, 8 de maio do 2018
Conector Startup Accelerator, a aceleradora especializada en
startups en fase semente, lanza o seu segundo programa de aceleración
horizontal non corporativo en Galicia coa intención de dar apoio a startups dixitais
localizadas nas provincias do noroeste do país. Esta iniciativa conecta novas
compañías coas principais industrias e corporacións galegas, e o mellor talento
e potencial investidor galego do ecosistema internacional.
Gal#2 está focalizado en startups
tecnolóxicas en fase semente cuxos emprendedores queiran liderar a
transformación dixital. Entre outros, búscanse proxectos innovadores en comercio
electrónico, retail e mobilidade que usen tecnoloxías como IoT, big data, blockchain
ou realidade virtual e que teñan un prototipo no mercado, un equipo formado e
potencial de crecemento e internacionalización.
Os emprendedores interesados teñen tempo ata o 18 de xuño para presentar as
súas candidaturas e poden
facelo desde hoxe vía web. A partir de entón, os analistas de Conector
Galicia preseleccionarán aos mellores proxectos para que presenten o seu
startup ante os mentores de Conector en xuño no Startup Day, o evento privado
onde os socios e mentores votarán e elixirán que proxectos merecen entrar no
segundo programa de aceleración de Conector Galicia.
A aceleradora, que forma parte da Rede de Aceleradoras de Galicia , traballará
coas startups finalistas durante 5 meses, de setembro do 2018 a xaneiro do
2019. Durante este tempo os emprendedores seleccionados contarán co
asesoramento dun cadro de mentores elixido segundo as necesidades do seu
proxecto, axudas en forma de partners das empresas colaboradoras coa
aceleradora e sesións de formación, ademais de dispoñer de oficinas de maneira
gratuíta.
Ao final da aceleración as startups terán a posibilidade de presentar o seu
proxecto diante dos investidores, VC e business angels máis importantes do país
no Demo Day que se celebrará en febreiro do 2019.
Actualmente a aceleradora xa conta cunha rede de 250 mentores nacionais con
novas incorporacións do principal talento galego como David Alayón, head of innovation
projects en Inditex; Betty Lepina, e- commerce manager en Adolfo Domínguez;
Gerard Gracia, head of digital garage en Estrela Galicia; Adolfo Fernández, global
program manager en Google; Luís del Pozo, CMO en Jazztel; Rubén Ferreiro, CEO
en Grupo Viko e Carlos Blanco, managing partner en Encomenda VC, entre outros.
Este é o segundo programa horizontal que Conector Galicia pon en marcha en
solitario. Lalo García, director de Conector Galicia e máximo responsable dos
programas na rexión, ve este segundo programa como unha oportunidade para
aquelas solucións que axuden a potenciar a transformación dixital. En 4 anos
por Conector xa pasaron 126 startups que conseguiron máis de 50 millóns de
euros de investimento, entre elas Glovo, Meller, GOI ou Jobin. A aceleradora,
impulsada por algúns dos emprendedores máis destacados do ámbito tecnolóxico de
España como Carlos Branco, Gerard Olivé, Marc Ros, Marc Vidal, Miguel Vicente
ou Risto Mejide, ten previsto lanzar 5 programas de aceleración ao longo do
2018.