Aberto o prazo para participar no seminario sobre as novas funcionalidades do Java SE7

O Centro de Novas Tecnoloxias de Galicia vai celebrar, o vindeiro 28 de marzo, un Seminario técnico sobre novas funcionalidades e melloras en Java SE7 (New features Java SE7), a desenvolver entre as 9:30 e as 13:30 horas.
Durante ese tempo, as persoas asistentes, que pola temática do curso deben ser programadores que orienten a súa actividade profesional na linguaxe Java ou a lo menos teñan experiencia neste tipo de programación, coñecerán de primeira man as funcionalidades da nova versión que teñen á súa disposición, e obterán información detallada respecto ás melloras acadadas na linguaxe, no core e en outros aspectos relacionados coa xestión da entrada/saída e rede.
O relator encargado de impartir este seminario será César Martín, colaborador habitual do CNTG e especialista en linguaxe Java, con ampla experiencia na formación desta tecnoloxía.
Martín é un formador que leva máis de 12 anos impartindo formación oficial de Oracle University a nivel internacional, e conta cunha ampla traxectoria profesional no desenvolvemento de aplicacións e consultoría en produtos Java (Struts, Java Server Faces, Application Development Framework), así como Oracle Designer, Oracle Forms, Oracle Application Server...
As persoas interesadas en asistir a este seminario teñen de prazo ata o vindeiro 27 de marzo para realizar a inscrición a través da web do CNTG.
A asistencia é de balde con prazas limitadas ao aforo do local, e as persoas que o desexen poderán obter un certificado de asistencia para o seu aproveitamento profesional, previa inscrición.