Aberta a preinscrición para o curso de especialista 5G da Universidade de Vigo

O Curso de Especialista Universitario en 5G de Galicia comezará a súa segunda edición o vindeiro 1 de outubro. Este programa formativo, enmarcado no Plan Galicia 5G da Xunta, está orientado a ofrecer diferentes perfís profesionais do sector tecnolóxico capacitación especializada e adaptada ás necesidades derivadas da futura extensión da tecnoloxía 5G.
Conta cun máximo de 25 prazas ás que os interesados poden preinscribirse até o 20 de setembro vía web.

Impartido por expertos

Está aberto a titulados, estudantes e profesionais do sector tecnolóxico e será impartido por docentes da Universidade e por profesionais expertos do sector, tanto de operadores (Movistar, Orange, Vodafone), como fabricantes (Nokia Spain, Ericsson) e desenvolvedores de solucións verticais (PSA, RTVE, CTAG, SERGAS).
O curso ofrece 200 horas lectivas, divididas en 6 módulos máis o proxecto fin de curso, permitindo obter o título de Especialista en Tecnoloxías de Quinta Xeración (5G). Os 6 módulos impartiranse en modalidade semipresencial os xoves e venres polas tardes na durante os meses de outubro a decembro.