APD reunirá no seu congreso aos directivos dalgunhas das principais TIC que operan en España
venres, 13 de xullo do 2012
A Asociación para o Progreso da Dirección
(APD) vai organizar en Valencia unha
nova edición do seu encontro para os altos cargos das empresas que operan en España,
establecéndose como obxectivo común a creación dun marco de diálogo e traballo
conxunto que “axude ao desenvolvemento
económico e social do país”, sinala a organización. Dáse a circunstancia de
que o sector TIC vai ter ampla representación no Congreso Nacional de
Directivos. O lema desta edición, no que vai participar María Garaña, presidenta
de Microsoft e Javier Rodríguez Zapatero, presidente de Google España, ou Eduardo
Serra, presidente da Fundación Everis, será pasar
á acción.
E todo, sinala APD, sen agardar que os
cambios lles sexan dados, senón buscando os mecanismos axeitados para saír da
crise. A xuntanza, na que se calcula que participarán máis de 1.500 directivos,
conta con apoios de numerosas entidades que, a xuízo de APD, amosan un
compromiso polo pulo á economía, é o caso de Accenture, Adecco, Bankia, BROSETA, Cesce,
Deloitte, Everis, FCC, HP, Iberdrola, KPMG, Llorente y Cuenca, Microsoft, Porto
de Valencia, PwC, SAGE, Vodafone, Vossloh e coa colaboración
institucional de la Generalitat Valenciana. O evento desenvolverase en Valencia
os días 13 e 14 de novembro.
