AGNIX celebra este sábado en Lugo o seu novo hacking-churrasco
xoves, 16 de xuño do 2011
- Roberto Brenlla, fundador de AGNIX, no programa Bos DÃas da TVG
A asociación galega AGNIX, que centra o seu
traballo na implantación e promoción do software libre na nosa
terra, celebra o vindeiro sábado 18 unha
nova xuntanza de integrantes,
coincidindo coa celebración da festa romana Arde
Lucus e co obxectivo de
tratar polo miúdo e en conxunto diversos temas que afectan ao futuro
do colectivo. O agnix-Lucus,
asà se presenta a reunión, desenvolverase nunha das salas de
traballo do recentemente inaugurado Centro
de Innovación Social – In Lugo a
partir das 11.00 horas e co remate previsto para arredor das 13.00.
De seguido, e como é habitual nas asembleas da
asociación galega desenvolverase un xantar de confraternización con
arrecendo cen por cen galego: o hacking-churrasco,
un tipo de celebración reivindicado por AGNIX onde se demostra ás
claras que as churrascadas, ese piar da gastronomÃa social galega,
comparte unha chea de elementos co deseño e creación de programas
de estándares libres, feitos sobre a base do traballo colectivo e,
sobre todo, para que logo se comparta. Xa pola tarde, está previsto
que os integrantes de AGNIX tiren o máximo proveito do Arde Lucus
para revivir os tempos en que castrexos e romanos loitaban por
facerse co dominio da cidade.
AGNIX é unha asociación sen arela de lucro de
ámbito galego e constituÃda por persoas con inquietudes no eido da
implantación do software libre na nosa sociedade. Ten como
finalidade a formación e divulgación da programación aberta coma
medio para acadar a alfabetización tecnolóxica e informática
galega, eliminando no posÃbel a actual fenda tecnolóxica.