AGAPI achéganos o 23 aos novos xeitos de producir audiovisual e contidos dixitais
martes, 7 de febreiro do 2017
AGAPI
(Asociación Galega de Produtoras Independentes) celebrará o
vindeiro
día 23 de febreiro unhas xornadas dedicadas ao audiovisual,
máis
polo miúdo adicadas aos xeitos innovadores de producir e distribuír
audiovisual botando man de diversas ferramentas tecnolóxicas.
Baixo o epígrafe
Novas
formas de produción,
trataranse neste encontros temas como o micromecenado nas redes
(crowdfunding),
o fenómeno transmedia,
as estratexias dixitais de promoción e as metodoloxías de traballo
coñecidas como Branded
Content,
que consisten en xerar contidos vencellados a unha marca que permitan
conectar esta marca en cuestión cos seus consumidores potenciais.
Esta
xornada está subvencionada polo Ministerio de Educación, Cultura e
Deporte e conta co apoio da Fundación Cidade da Cultura, Xunta de
Galicia e EGEDA (Entidade de Xestión de Dereitos dos Produtores
Audiovisuais).
O
acto levarase a cabo no auditorio 2 do Edificio CINC da Cidade da
Cultura en Santiago de Compostela o día 23 de febreiro, en horario
de 10:00 a 14:30h. En palabras de AGAPI, o encontro profesional
“contará cun programa moi completo e con relatores de alto nivel”.
A
xornada dará comezo o día 23 de febreiro ás
10:00 horas
e a inauguración e presentación dos relatores correrá
a cargo do socio de
AGAPI,
Jose Antonio Velo, da empresa Astrágalo Studio.
O
primeiro relatorio (10.30-11.30h)
tratará
sobre micromecenado e estará conducido
por Jesús Prieto Sacristán (avogado,
conselleiro
de
Crea
SGR).
A continuación, de
11.30
a
12:30
horas,
seguirá un foro co tema Transmedia
e Net Strategist,
a cargo de Elena Neira (consultora
de mercadotecnia, redes sociais e tecnoloxías)
e Berni Melero (responsábel
de TIC de
Knowdle Media Group).
Despois
dun descanso, a xornada continuará cun
relatorio sobre Branded
Content que contará
unha vez máis coa intervención de Elena Neira e Berni Melero. A
xornada chegará ao seu remate
cun debate aberto cos asistentes.
A
entrada será gratuíta. Prégase confirmación de asistencia no
correo electrónico: prensa@agapi.org antes do vindeiro 20 de
febreiro.
