A web do The New York Times abre os seus contidos de pago
martes, 18 de setembro do 2007
A estratexia de pechar a meirande parte dos seus
contidos na Internet fracasou en medios coma El PaÃs, e agora é o The New York Times o que ten que
rectificar a súa polÃtica, de xeito que os
contidos de pago da súa edición dixital TimesSelect pasarán a ser de balde,
co que pretenden achegar a máis lectores e percibir maiores ingresos por
publicidade.
TimesSelect pecha este mércores, despois de 2 anos de funcionamento. O servizo
tiña un prezo de 7,95 dólares/mes ou 49,95 dólares/ano, e os contidos de tal
edición se diferenciaba na web por unha T de cor laranxa que se podÃa ver á
esquerda das ligazóns que levaban ós mesmos, detalle que desaparecerá esta
noite.
A directora xeral e vicepresidenta da empresa, Vivian L. Schiller, declarou que
cren «que abrir tódolos nosos contidos e
habilitar o que suporán millóns e millóns de novos documentos, combinado cun
crecemento extraordinario, creará un fuxo de ingresos que superará con creces
os ingresos por subscricións».
Na actualidade o servizo de TimesSelect estaba a xerar uns 10 millóns de dólares/ano
(de 227.000 subscritores de pago, dun total de 787.000), pero a apertura das
columnas de opinión da cabeceira, asà coma do arquivo da publicación dende 1851
poderá achegar a moito público que compense a operación, recoñecendo que non
agardaban un tráfico tan elevado na súa web, que actualmente ten 13 millóns de
usuarios únicos ó mes.