A web de Sanidade achega recomendacións útiles para viaxar a Sudáfrica neste Mundial
luns, 7 de xuño do 2010
Aquelas persoas
que, pese á crise, teñen un presuposto xeitoso para achegarse este verán a Sudáfrica
a ver a Copa do Mundo de Fútbol, deberían seguir unha serie de recomendacións que
non están de máis para volver ao noso país coa mesma saúde coa que marcharon
para o continente veciño.
Para iso, as
autoridades sanitarias do noso país están a publicar recomendacións xerais
destinadas ás afortunadas persoas que teñan a oportunidade de presenciar, entre
o 11 de xuño e o 11 de xullo, os partidos de España na Copa do Mundo.
En relación a
isto, a Dirección Xeral de Saúde Publica e Planificación da Consellería de
Sanidade ven de colgar na súa páxina web oficial
estas recomendacións emitidas dende os organismos internacionais.
Para preguntar
por tratamentos preventivos fronte a determinadas enfermidades ou por
recomendacións sanitarias durante a viaxe, as persoas interesadas deberán
consultar nos centros de vacinación internacionais existentes en Galicia. Estes
centros están emprazados nos Complexos Hospitalarios Universitarios da Coruña;
de Santiago de Compostela; e dous no de Vigo (un no hospital Xeral e outro no
Meixoeiro); así como nos Complexos Hospitalarios Xeral-Calde de Lugo; de
Ourense; e de Pontevedra. Os hospitais Arquitecto Marcide, en Ferrol; Virxe da
Xunqueira, en Cee; de Monforte; da Costa, en Burela; e o do Salnés, en
Vilagarcía, tamén dispoñen de puntos de vacinación internacional. Tamén existen
outros dous centros, en A Coruña e en Vigo, dependentes do Ministerio de
Sanidade e Política Social.
Nembargantes, no
caso de precisar algunha vacina hai que poñela con antelación, como é o caso da
vacinación contra a febre amarela, que se transita a través de países endémicos
antes de chegar a Sudáfrica.
Dende a web da
Consellaría de Sanidade advirten queantes de saír de viaxe “é preciso comprobar que ten a asistencia
sanitaria cuberta, xa que os hospitais das zonas urbanas son de calidade pero
caros”. Asemade, lembran que España non ten convenio bilateral para
atención médica con Sudáfrica, polo que “sería
conveniente contratar un seguro privado ou comprobar na axencia que lle
xestione a viaxe que ten asegurada esta necesidade. Se ten un seguro privado
consulte se ten cobertura ou precisa dunha ampliación”.
Por outra
banda, se está a tomar medicamentos con regularidade, recomendan, “levar a cantidade precisa para a duración
da viaxe, por se non se atopa o produto alí”.
No tocante á
seguridade alimentaria e riscos eventuais, as autoridades sanitarias tamén
especifican que os alimentos que se venden no supermercados, os restaurantes e
establecementos de comidas rápidas están considerados, xeralmente, “seguros”; pola contra, recoméndase “ser prudente co consumo de alimentos
vendidos por vendedores ambulantes e puntos de venta informais”.
A auga de
consumo nas zonas urbanas está considerada segura, pero ten unha calidade
variable nas vilas pequenas. Desaconséllase beber auga directa dos ríos e dos
regueiros.<br
Trátase dunha
pequena parte das precaucións que hai que ter en conta se viaxamos a Sudáfrica
porén tamén valen para outros destinos solicitados nas axencias de viaxes por
estas datas, que non debemos deixar de ler se queremos prever infeccións e
enfermidades perigosas.
Para obter máis
información detallada pódese consultar en liña resumos dos resultados dos
diferentes sistemas de vixilancia no enderezo: www.nicd.ac.za.
Tamén nas páxinas da Organización Mundial da Saúde e do Ministerio de Asuntos
Exteriores:
http://www.who.int/ith/updates/20100421/en/index.html
e http://www.maec.es/es/MenuPpal/Paises/ArbolPaises/Sudafrica/Recomendacionesdeviaje/Paginas/recoSudafrica.aspx