A web de Aldea Nova ábrelle novos vieiros á innovación no rural
venres, 4 de febreiro do 2011
O proxecto Aldea Nova, radicado en Narón e
posto en marcha polo Concello para potenciar o desenvolvemento rural sostible
na nosa terra, conta cunha interesante páxina
web dende a que se informa polo miúdo das experiencias deste proxecto especÃfico
de innovación aplicada na nosa base produtiva agrogandeira. Asemade, a páxina
serve de fonte de coñecemento xenérico sobre a busca de novos modelos de
actividade acerca do noso rural, útil para quen desexe pór en marcha unha
iniciativa semellante. O sitio en cuestión, espello do Parque Temático Integral
de Desenvolvemento Rural Aldea Nova (nome completo da iniciativa), atópase
estes dÃas nun repunte de actividade dirixida a mover á participación da
comunidade internauta. Máis polo miúdo, a páxina prepara o terro do vindeiro curso
de fotografÃa que se vai desenvolver no parque no mes de marzo e dirixido por Oriol
Alamany.
Por certo que na actividade, que se celebra do
11 ao 13 de marzo nas instalacións de Aldea Nova, poderán participar até 25
persoas, tanto profesionais como seareiros da fotografÃa en xeral.
Xa nun eido máis xenérico, a web é en si mesma
un convite a participar neste proxecto de innovación rural, posto en marcha en
2007 e arestora xestionado (como a páxina web) por Terranova Xestión Ambiental. Entre
outras moitas cousas, achégase material en moi variado formato sobre o que nos
atoparemos no complexo, visitado cada ano por miles de persoas, incluÃdos
escolares de toda a nosa xeografÃa para os que se preparan diversas actividades
de lecer. Amais da relación de obxectivos a seguir polo centro, fornéceselle á
comunidade internauta de información exhaustiva dos servizos aos que dá
acubillo (visitas, cursos, aloxamento, etc) e das propias instalacións do
mesmo, dedicadas a pór en relevo a importancia do noso patrimonio, das áreas
produtivas tradicionais ao mesmo tempo que se aposta por unha busca do sostible
e do renovable.