A vindeira semana coñeceremos o nivel de piratería de software no mundo

O vindeiro martes, 12 de maio, vai ter lugar en Madrid, o acto no que Business Software Alliance (BSA) dará a coñecer os resultados e conclusións da sexta edición do seu Estudo Global Sobre Piratería do Software 2008, correspondentes a España e ao resto de países do mundo.
A presentación, que terá lugar ás 11:00 horas na sede da Secretaría de Estado de Telecomunicacións e para a Sociedade da Información do Ministerio de Industria, Turismo e Comercio, contará coa presenza de Francisco Ros, Secretario de Estado da Telecomunicacións e para a Sociedade da Información e de Luis Frutos, presidente do Comité de BSA en España, quen presentará os novos datos e exporá as principais iniciativas que BSA está a levar a cabo no noso país.
O estudo, que foi elaborado pola consultora IDC, analiza como cada ano o nivel de piratería de software no mundo, e é o informe de referencia para coñecer a evolución do uso fraudulento de programas informáticos.