A versión para Facebook de Los Sims convértese no xogo social de maior crecemento da historia

A semana pasada o xogo de Electronic Arts Los Sims chegou a Facebook como The Sims Social, conseguindo superar os 4 millóns de usuarios diarios segundo AppData, converténdose nunha das aplicacións máis empregadas en Facebook, detrás de auténticos xigantes como CityVille, FarmVille e Texas HoldEm Poker, aos que podería superar o mes que vén de continuar a medrar a este ritmo. Pero antes de facer cábalas xa é posible asegurar que The Sims Social é o xogo social co crecemento máis rápido da historia, aínda que moitos seareiros da franquía de EA que vendeu máis de 140 millóns de copias non están contentos con esta versión do xogo, que amosa moitas carencias, entre as que destaca a falta de control.
The Sims Social tamén ten publicidade integrada, e podería supor a primeira grande ameaza ao liderado de Zynga nos xogos de Facebook.