A revista NACC estrea nova presenza dixital
venres, 3 de maio do 2013
A revista NACC , nova formulación de Acta Científica Compostelana
editada dende 1964, vén de estrear unha nova andaina no portal
dixital de revistas da universidade compostelá, o portal RevUSC,
baixo a co-dirección dos profesores Mª Jesús Aira e Marcos
González e incluíndo entre outras novidades unha nova feitura. A
publicación, como lembraremos, é anual, edítase en castelán,
galego e inglés e dedícase sobre todo a achega e divulgación de
traballos de investigación sobre biodiversidade animal, vexetal e
ecoloxía, abríndose tamén o abano cara outros eidos relacionados
coa bioloxía.
O director do Servizo de
Publicacións, Juan L. Blanco Valdés, salienta como importante
novidade que a revista non se edita como un todo senón que vai
publicando os
traballos unha vez revisados e aprobados polos avaliadores
externos, “dando así resposta á necesidade de inmediatez na
comunicación do coñecemento científico”, informa.