A marca galega Cafés Candelas reforza a súa estratexia en liña cunha nova web
venres, 7 de marzo do 2014
Café Candelas, a marca
galega, vén de estrear nova web dedicada á súa liña de infusións
en cápsulas. Falamos de Selectum.com,
sitio centrado nos produtos do mesmo nome onde se recolle “toda a
información útil” sobre os mesmos e ponse en marcha, en palabras
da empresa, un espazo diferenciado para dar a coñecer ao mundo esta
nova gama de infusións e a aposta xeral da marca galega por ampliar
e mellorar a súa carteira de produtos e por modernizar a oferta de
seu.
Meténdonos xa no miolo
da web, dicir que se trata dun espazo en liña moi visual onde todo
semella estar disposto para que a información requirida chegue ao
internauta sen atrancos nin adiamentos. En palabras da firma galega,
é un espazo accesíbel onde tódolos recursos prácticos chegan a
nós a través dun único clic.
“A nosa web”, engade,
“segue a liña da web corporativa, cafescandelas.com,
e da tenda en liña da marca, tiendacandelas.com,
que salientan sobre todo polo factor proximidade, polo seu atractivo
visual e polo emprego dunha renovada imaxe de marca”. A páxina
Selectum.com está artellada en base a tres tipos de produtos que se
comercializan baixo o nome Selectum: cápsulas de café para o fogar,
cápsulas de café para profesionais e infusións para o fogar. Outro
dos puntos a salientar é a sinxeleza do exposto, unha distribución
práctica de tódolos contidos que abre unha xanela directa á
posibilidade de mercar en liña os produtos da marca galega. Para
Cafés Candelas, “a nova web é un novo espazo online co que
damos un paso máis no noso obxectivo de achegar todo o noso traballo
e produtos aos consumidores, facilitando información actualizada e
directa sobre o sector do café”.