A galega FOGA lánzase ao mercado estatal cunha innovadora tenda en liña de produtos tecnolóxicos
mércores, 20 de marzo do 2013
Hai
uns meses, a compañía galega FOGA
lanzaba a súa plataforma de comercio electrónico de produtos
tecnolóxicos. Baixo o nome de FOGA-Online,
a empresa santiaguesa preséntase no mercado de Internet
como algo máis que unha simple tenda de hardware e software, pois
leva á Rede
a filosofía de Solucións
Integrais da Comunicación que,
informan
fontes da firma,
“caracteriza
a súa empresa matriz”.
Desta maneira, poderíamos dicir que, se ben o obxectivo primario de
fogaonline.es é o de ofrecer equipamento tecnolóxico
“a
empresas e profesionais liberais que demandan produtos de calidade
contrastada e unha atención post-venda
eficaz e profesional”,
existen tamén outros obxectivos máis ambiciosos que diferencian
esta plataforma no masificado, e ás veces caótico, mercado de
Internet.
Ademais
de superar as limitacións espaciais que sempre impón un
emprazamento físico
para a venda de equipamentos, neste caso o
da Vía Pasteur do compostelán Polígono do Tambre, esta web ofrece solucións
máis amplas, relacionadas coas áreas da Reprografía, Informática
e Redes, Dixitalización, Xestión documental e Comunicación e
Marketing. Desta maneira FOGA-Online non se limita a facilitar a
compra por internet dos mellores produtos dos principais partners
da
compañía matriz (Konica Minolta, Samsung ou Fujitsu), se non que
permite que, desde calquera lugar do mundo, os
profesionais máis esixentes poidan obter información sobre os
servizos que FOGA pode ofrecerlles.
A
diferenza das webs de venda en liña tradicionais, onde os clientes
só teñen a opción de ir engadindo produtos ao seu carro da compra,
FOGA-Online permite aos seus usuarios comunicarse cos consultores de
FOGA para ampliar información sobre os servizos que ofrece a
compañía, como por exemplo os mantementos de equipamentos de
impresión ou os packs de dixitalización.
Esta
interactividade que singulariza
a FOGA-Online é o reflexo na Rede
do espírito de empresa de servizos que a caracteriza. Un usuario
rexistrado pode, por exemplo, demandar solucións
a medida,
indicando que equipamento necesita e de que presuposto dispón,
podendo incluso crear un plan
de aforro en impresión personalizado.
Outra
das características da plataforma que nos ocupa é o seu
fácil manexo.
Norman Benzoni, o responsable da plataforma,
explícanos que “a
web foi deseñada para facer o máis doados posíbeis os seus
procesos de información, selección e compra; achegamos unha
navegación fácil e intuitiva, que permitirá aos seus usuarios
atopar de contado os produtos e servizos máis axeitados ás súas
necesidades”.
Como
complemento a esta
simplicidade,
fogaonline.es achega un buscador avanzado para axilizar e facer máis
eficaces as nosas pescudas,
permitíndonos “localizar
produtos con total comodidade e realizar procuras por marca, modelo
ou referencia”.
Ademais, e para satisfacer as demandas de información dos máis
esixentes, a web facilita os datos máis relevantes sobre as
características dos seus produtos, tanto en fichas técnicas como en
catálogos orixinais.
Finalmente,
tamén cómpre
salientar
como outro dos factores diferenciais de FOGA-Online o compromiso de
ofrecer alternativas de “gasto
mínimo”,
cunha interesante sección de Oportunidades onde
podemos atopar os mellores prezos en España de produtos que contan
con total garantía post-venda.
Ademais de deslocalizar os procesos de compra, FOGA-Online ofrécenos
a posibilidade de realizar
as nosas xestións sen ataduras horarias e durante as 24 horas do
día, facilitando a comunicación cos seus responsables a través das
máis diversas canles, como son o correo electrónico, o chat ou as
principais redes sociais (Twitter, Facebook, etc). Segundo
conclúen os responsábeis da firme, “FOGA-Online
diríxese
a estender
os valores de FOGA na Web:
puntualidade, solvencia e eficacia”.