A galega Emetel prepara o seu espallamento a América latina e a zona do Golfo Pérsico
xoves, 31 de xaneiro do 2013
- Javier Aguilera, director do IGAPE, Manuel Lago Vecino, director xeral de Emetel e Alfredo Castro, director da Área de Internacionalización do IGAPE
A última hora da tarde de onte Javier Aguilera, director do IGAPE
e Alfredo Castro, director da Área de Internacionalización deste organismo
visitaron a empresa Emetel e reuníronse con Manuel Lago Vecino, director xeral
de Emetel quen explicou o proceso estratéxico de internacionalización que impulsará
a empresa TIC galega.
Este encontro serviu para que os responsables do IGAPE expuxesen o amplo marco
de apoios e servizos que este organismo pon a disposición das empresas que
buscan implantarse en mercados exteriores. Tras afianzarse nos mercados galego
e nacional, a empresa busca expandirse en áreas como América latina ou a zona do
Golfo Pérsico. Emetel ten previsto contar co apoio do IGAPE para mellorar a súa
competitividade e, na actualidade, está acollida aos servizos avanzados que o
Instituto facilita a través do programa reAcciona.
Segundo Manuel Lago Vecino, director xeral de Emetel, "tras afianzarnos no mercado galego e nacional, esta
internacionalización é un proceso orgánico e natural para continuar cos plans
de desenvolvemento de Emetel. Nos últimos anos desenvolvemos plataformas
tecnolóxicas innovadoras propias como Emetel Insight e en breve iniciaremos a
súa adaptación a diferentes idiomas e a outras rexións para empezar a súa comercialización".