A función No molestar do iPhone non se desactiva automaticamente coa chegada do Aninovo
mércores, 2 de xaneiro do 2013
Parece que iOS quere bater algún tipo de marca en cuestión
de incidencias relativas ao seu sistema de xestión de horas e datas, pois tras
acumular numerosos fallos co sistema de alertas durante bastantes cambios entre
o horario de verán e o de inverno, o cambio de hora tamén está a afectar ao
servizo No molestar, que permite
fixar un rango de horas no que o iPhone non recibirá chamadas telefónicas,
mensaxes de texto, nin notificacións (agás as comunicacións consideradas como
urxentes segundo unhas pautas que marquemos) para permitir certo descanso pola
noite, e que coa chegada do Aninovo este modo de funcionamento non está a
desactivarse tras a súa hora de finalización, o que impide recibir chamadas
agás que a desactivemos.
Polo momento este erro carece de solución (é de agardar unha actualización que
o corrixa nas vindeiras horas) o que resulta moi rechamante pois onte mesmo foi
cando se estreou un
anuncio televisivo de Apple que baixo o tÃtulo de Dream busca promocionar a función No molestar do IPhone:
ACTUALIZACIÓN: Dende Apple aseguran que o fallo que afecta á funcionalidade
No molestar desaparecerá o 7 de xaneiro, sendo
preciso desactivala manualmente ata tal data.